Ротен: Мбаппенинг ўйини — фожиа

Франция терма жамоаси ва ПСЖнинг собиқ ярим ҳимоячиси Жером Ротен Килиан Мбаппенинг “Реал” Мадриддаги биринчи мавсумидаги ўйинини қаттиқ танқид қилди, деб RMC Sport сўзларини келтиради LiveSport.ru сайти.

«Биз Мбаппе ҳақида гапляпмиз. У орзу қилган жамоасига келди — барча совринларни, жумладан, Чемпионлар лигасини ютиб, “Олтин тўп” соҳибига айланишни мақсад қилган эди. Аммо бу мавсум у учун ҳам жамоавий, ҳам шахсий жиҳатдан муваффақиятсизлик бўлди. Бу фожиа. У бу йил “Олтин тўп”ни ололмайди.

Мавсум бошида биз унга мослашиш учун вақт бердик, сабаблар ҳам кўрсатдик. Лекин сен Мбаппе бўлсанг, вақт камаяди. У кўп гол урди, лекин ўйини – фожиавий.

Менимча, унинг ишга бўлган муносабати даҳшатли. Бу унинг сўзлари билан мос келмайди. Буни ҳеч ким муваффақият деб айтолмайди. Унга омад тилайман, лекин бу мавсум жуда заиф ўтди», — деди Ротен.

Маълумот учун, Мбаппе ўтган ёзда ПСЖдан “Реал”га эркин агент сифатида ўтган эди. 26 ёшли ҳужумчи “Реал” сафида 49 ўйинда майдонга тушиб, 32 гол ва 4 ассист қайд этди. «Замин»ни Telegram’да ўқинг!