Де Брюйне кетмоқда — Хусанов учун имконият

"Манчестер Сити"нинг энг яхши ўйинчиларидан бири — Кевин Де Брюйне клубни тарк этади, деб хабар берди Offside.kz сайти. Маълумотларга кўра, у эркин агент сифатида АҚШнинг “Чикаго Файр” клуби билан шартнома имзолаш ниятида.

Футбол инсайдери Фабрицио Романо таъкидлаганидек, Де Брюйне яқин ҳафталарда барча таклифларни кўриб чиқади, аммо “Чикаго” уни жалб этиш бўйича жиддий қизиқиш билдирмоқда.

Унинг кетиши "Сити"да авлодлар алмашинуви жараёнини жадаллаштиради. Пеп Гвардиола ҳозирда Абдукодир Хусанов, Омар Мармуш ва ҳатто Эрлинг Холанд каби ёш футболчиларни жамоанинг етакчиси сифатида кўрмоқда.

Айниқса, Хусанов учун бу катта синов ва имконият. Фоден ва Грилиш Де Брюйне ва Гюндогандан бўшаган етакчиликни тўлиқ ўзлаштира олмаганини инобатга олганда, марказда янги исмлар зарур.

Хусанов айнан шундай вазиятда ўзини кўрсата олиши мумкин. Бу “Манчестер Сити”даги янги даврнинг бошланиши. «Замин»ни Telegram’да ўқинг!