Микель Артета: "Гвардиола бўлмаганида, бу ерга келмаган бўлардим"

"Арсенал" клубининг бош мураббийи Микель Артета ЕЧЛ чорак финалида Мадриднинг "Реал" клубини мағлуб этганидан кейин ўзининг устози – "Манчестер Сити" бош мураббийи Хосеп Гвардиолага миннатдорлик билдирди.

"Бугун эрталаб унга қўнғироқ қилдим. Менинг бугун бу ерда эканлигим унинг сабабидан. Шундай экан, унга алоҳида раҳмат айтмоқчиман. Гвардиола менга доим илҳом бағишлаб келган. У билан тўрт йил ажойиб фаолият олиб бордим ва доимо унга миннатдорман. Агар у бўлмаганида, бу ерда бўлмасдим", – деди Артета.

Эслатиб ўтамиз, "Арсенал" ЕЧЛ чорак финалида "Реал" клубига қарши жавоб ўйинида 2:1 ҳисобида ғалаба қозонди. Биринчи ўйинда эса 3:0 ҳисобида ишончли ғалабани қўлга киритган эди.

Шу тариқа, Лондон клуби 2008/09 йилги мавсумдан кейин илк марта ЕЧЛ ярим финалига чиқди. Эндиликда Артетанинг шогирдлари финал йўлланмаси учун ПСЖ клубига қарши кураш олиб боради. «Замин»ни Telegram’да ўқинг!