Франция терма жамоасининг собиқ юлдузи: «Мбаппенинг «Реал»га ўтиши катта хато бўлди»

ПСЖ ва Франция терма жамоасининг собиқ юлдузи Жером Ротен Европа Чемпионлар лигасидаги муваффақиятсизликдан сўнг Килиан Мбаппени кескин танқид қилди.

Франциялик машҳур собиқ футболчи ўз ҳамюртининг ПСЖни тарк этиб, «Реал»га ўтишини катта хато сифатида баҳолади.

«Ҳамма ҳозир Килиан Мбаппени муҳокама қилмоқда. У орзусидаги жамоаси – «Реал»га Европа Чемпионлар лигасида ғалаба қозониш ва «Олтин тўп»ни ютиш учун кўчиб ўтган эди. У «Реал» сафида дунёнинг энг кучли футболчиси бўлишни орзу қилганди.

Бироқ, одатда янги клубга кўчган ўйинчига мослашиш учун вақт берилади ва ундан тезкор натижалар кутилавермайди. Лекин сен Килиан Мбаппе бўлсанг, бундай имконият сенга берилмайди.

Ҳар томонлама олиб қараганда ҳам, бу мавсум Мбаппе учун барбод бўлди. У энди бу мавсумда «Олтин тўп»ни ола олмайди. У кўп гол киритаётган бўлса-да, ўйинининг даражаси жуда паст», – деди Ротен. «Замин»ни Telegram’да ўқинг!