Остон Ўрунов яна жароҳат олди — у қанча муддат майдонга туша олмайди?

Ўзбекистон терма жамоаси ва Эроннинг етакчи клубларидан бири “Персеполис” сафида тўп сураётган Остон Ўрунов навбатдаги жароҳатни олди. Бу ҳақда Эроннинг Varzish3 нашри маълум қилди.

25-дақиқада алмаштирилди
Эрон Про Лигасининг 27-туридан ўрин олган “Сепахон”га қарши ўйиннинг 25-дақиқасида Ўрунов оғриқ ҳис қилган ва майдонни тарк этишга мажбур бўлган.

Клуб томонидан ўтказилган дастлабки тиббий текширувлар натижасида унда мушак бўшлиғида чўзилиш аниқланган. Шифокорлар маълум қилишича, футболчи тахминан 2—3 ҳафта давомида машғулотларга қўшила олмайди.

Термадан аввал ҳам қолган эди
Маълумки, Остон Ўрунов аввалроқ ҳам ушбу турдаги жароҳат туфайли терма жамоа сафида Жаҳон чемпионати саралашида Қирғизистон ва Эронга қарши ўйинларда қатнашмаган эди.

Бу галги жароҳат ҳам мухлислар ва мутахассисларда маълум хавотир уйғотди.

Июн ойигача тикланиши кутиляпти
Яхши янгилик шуки, Ўзбекистон терма жамоасининг навбатдаги расмий учрашувлари июн ойида бўлиб ўтади. Ва мутахассисларнинг фикрича, Ўрунов ушбу муддатгача сафга қайтиши мумкин.

Сиз нима деб ўйлайсиз — Остоннинг соғломлигини сақлаш учун қандай чоралар кўрилиши керак? Термамиз унсиз қай даражада кучли ўйин кўрсата олади? «Замин»ни Telegram’да ўқинг!