Фабрицио Романо Анчелотти «Реал»ни тарк этиб, қаерга йўл олишини айтди

Жаҳон футболида трансферлар ва мураббийларнинг фаолияти ҳақидаги янгиликлари билан машҳур бўлган Фабрицио Романо «Реал Мадрид» бош мураббийи Карло Анчелоттининг келажаги ҳақидаги муҳим маълумотни эълон қилди.

Унинг ёзишича, италиялик тажрибали мутахассис шу йилнинг ёзида Мадриднинг «Реал» клубини тарк этади ва Бразилия терма жамоасини қабул қилиб олади. Шу тариқа, Анчелотти «қироллик клуби»ни декабрь ойида ўтказиладиган клублар ўртасидаги жаҳон чемпионатига бошламайди.

Маълум қилинишича, Анчелоттининг Бразилия термасига келиши июнь ойининг бошида амалга ошади. У келаси жаҳон чемпионати – 2026 йилда АҚШ, Мексика ва Канадада ўтказиладиган мундиалга жамоани тайёрлаш вазифасини ўз зиммасига олади.

Аввалроқ айрим манбалар «Реал Мадрид»ни клублар ўртасидаги жаҳон чемпионатига Сантьяго Солари ёки жамоанинг яна бир афсонаси Раул Гонсалес бошқариб бориши мумкинлигини хабар қилган эди.

Анчелоттининг Мадрид клубидан кетиши ва унинг Бразилияга йўл олиши ҳақидаги янгилик футбол оламида катта муҳокамаларга сабаб бўлмоқда. Итальян мутахассиси Бразилия термасига янги услуб ва муваффақият келтириши мумкинлиги тахмин қилинмоқда. «Замин»ни Telegram’да ўқинг!