Месси ҳозирги даврнинг энг кучли 5 футболчисини айтди

Саккиз карра “Олтин тўп” соҳибига айланган аргентиналик юлдуз Лионель Месси кўп йиллар давомида жаҳон футболида ўзининг асосий рақиби Криштиану Роналду билан энг кучли футболчи бўлиш учун рақобат қилиб келган эди.

Ҳозирда икки афсонавий футболчи ҳам ўз фаолиятининг якунловчи палласига кириб қолган. Айни пайтда АҚШнинг “Интер Майами” клуби шарафини ҳимоя қилаётган Лионель Месси, ҳозирги даврдаги энг яхши футболчилар кимлигини маълум қилди.

Менинг назаримда, бугунги кундаги энг кучли футболчилар – айнан ҳозир майдонда ўйнаётган юлдузлардир. Уларни бутун дунё мухлислари томоша қилади ва миллионлаб болалар улар каби футболчи бўлишни орзу қилиб ўсмоқда.

Ҳозирги пайтда энг юқори даражада ўйнаётган юлдузлар – Килиан Мбаппе, Эрлинг Холанд, Ламин Ямал, Винисиус Жуниор ва Роберт Левандовскидир.

Айниқса, Ямалнинг 17 ёшида қилаётган ишлари ва шу ёшдаёқ эришаётган муваффақиятлари мени ҳам ҳайратлантирмоқда. Мана шундай ёш иқтидорларнинг келажаги ёрқин бўлади, - дея таъкидлади Месси.

Эслатиб ўтамиз, Европа футболида “Барселона” ва “Пари Сен-Жермен” клублари билан кўплаб ғалабаларни қўлга киритган Лионель Месси, 2023 йил ёзидан буён АҚШнинг “Интер Майами” клубида тўп сурмоқда. Аргентиналик юлдузнинг клуб билан амалдаги шартномаси эса жорий йилнинг 30 июнь санасида ўз ниҳоясига етади. «Замин»ни Telegram’да ўқинг!