Микель Артета кечаги мағлубиятдан сўнг нималар деди?

«Арсенал» бош мураббийи Микель Артета Европа Чемпионлар Лигасининг ярим финали доирасида ПСЖга қарши бўлиб ўтган баҳсдан сўнг ўзининг таъсуротлари билан ўртоқлашди.

Испаниялик мутахассиснинг таъкидлашича, жамоаси бу учрашувда кўрсатган ўйини билан кўпроқ натижага лойиқ эди.

«Ҳақиқатдан ҳам биз бугунги ўйинда кўпроқ нарсага лойиқ эдик. Майдонда йигитларимиз бор имкониятлари билан ҳаракат қилишди. Бироқ биз бугун фақат ярим йўлни босиб ўтдик. Ўтган сафар «Реал» билан учрашувдан сўнг ҳам айтгандим: бу ҳали фақат биринчи ўйин. Энди биз Парижга йўл олиб, ғалаба қозонишимиз шарт», – деди Артета.

Шунингдек, мураббий жамоа кўрсатган ўйинни яна бир марта таҳлил қилиб, бир неча жиҳатларни яхшилашга урғу берилишини айтди.

«Ҳозирча вазият 50/50. Агар жамоамиз Чемпионлар Лигаси финалига чиқмоқчи бўлса, ўзининг энг яхши ўйинини намойиш этиши керак бўлади. Биз бунинг учун Парижда албатта ўзгача ҳаракат қилишимиз лозим», – дея таъкидлади «Арсенал» устози.

Қайд этиш жоиз, Чемпионлар Лигаси ярим финалининг жавоб баҳси Парижда бўлиб ўтади ва айнан шу ўйин финалга йўл оладиган жамоани аниқлаб беради. Артетанинг сўзларига кўра, унинг шогирдлари Франция пойтахтида ўз тарихини яратишга тайёр. «Замин»ни Telegram’да ўқинг!