Ханс-Дитер Флик кечаги 3:3 ҳисобидаги дуранг ҳақида қандай фикр билдирди?

«Барселона» клубининг бош мураббийи Ханс-Дитер Флик Чемпионлар лигаси ярим финалида «Интер»га қарши бўлиб ўтган биринчи ўйин (2:2) ҳақида ўз фикрларини билдирди.

— Ўйиннинг бошланиши биз учун қийин бўлди. Дастлабки дақиқаларда эътиборсизлик оқибатида дарвозамиздан икки марта тўп олиб чиқдик. Лекин жамоа руҳан синиб қолмади ва тезда ўзимизни тиклаб олдик. Баҳснинг биринчи қисмида ҳам ижобий, ҳам салбий жиҳатларимиз бўлди. Иккинчи бўлим эса ҳам футболчилар, ҳам стадионга йиғилган мухлислар учун анча қизиқарли кечди.

«Интер» ажойиб ва тартибли жамоа эканлигини кўрсатди. Уларнинг таркибида тажрибали футболчилар кўп, шунинг учун ҳам бу жамоа Чемпионлар лигаси ярим финалига етиб келган. Ҳеч қандай рақиб тасодифан бу босқичгача етиб келмайди.

Биз учун ҳали ҳеч нарса ҳал бўлмади, Миландаги жавоб ўйинида албатта ғалаба қозонишимиз зарур. Бу баҳс финал олдидан ҳақиқий финал бўлади. Ҳозирданоқ жамоамиз ўша беллашувга тайёргарликни бошлайди.

Бугунги ўйинда кўрсатган ҳаракатлари учун футболчиларимдан мамнунман. Улар ажойиб тарзда курашишди ва характер кўрсатишди, — деди «Барселона» устози. «Замин»ни Telegram’да ўқинг!