Кевин Де Брюйне «Манчестер Сити» билан хайрлашади. Афсона янги жамоасини танлади!

«Манчестер Сити» клубининг афсонавий ярим ҳимоячиси Кевин Де Брюйне мавсум якунида жамоани тарк этади. Англиялик журналистларнинг хабар беришича, белгиялик юлдуз футболчи клуб раҳбарияти билан хайрлашув учрашувини 20 май куни ўтказишга келишиб олган.

Ҳозирги вақтда бир қатор клублар Де Брюйнени ўз сафига қўшиб олишга қизиқмоқда. Уларнинг орасида энг фаворити АҚШнинг «Чикаго Файр» жамоаси ҳисобланади. Манбанинг маълум қилишича, Кевиннинг ўзи ҳам фаолиятини МЛС чемпионатида давом эттириш вариантига қизиқиш билдирган ва бу таклифни қабул қилишга қарор қилган.

Кевин Де Брюйне «шаҳарликлар» сафида ўтказган йиллари давомида кўплаб муваффақиятларга эришди ва жамоанинг ажралмас етакчисига айланди. У ўзига хос паслари, самарали ҳаракатлари ва майдондаги ақлли ўйини билан миллионлаб мухлисларнинг муҳаббатига сазовор бўлди.

«Манчестер Сити» мухлислари ушбу хайрлашув учрашувини интиқлик билан кутишмоқда ва уни клуб тарихидаги энг ёрқин воқеалардан бири сифатида нишонлаш ниятидалиги айтилмоқда.

Де Брюйне учун АҚШдаги янги клубида ҳам янги саҳифа очилади ва «Чикаго Файр» раҳбарияти уни жамоа етакчиси сифатида кўришни режалаштирган. Бу трансфер АҚШ футболи учун ҳам катта аҳамиятга эга бўлиши кутилмоқда. «Замин»ни Telegram’да ўқинг!