“Реал” “Манчестер Юнайтед” орқали айёрона трансфер режасини ишга солмоқчи

Ёзги трансферлар бозорига жиддий тайёргарлик кўраётган “Реал Мадрид” жамоаси ҳимоя чизиғини кучайтиришни режалаштирмоқда. Жамоа сафини янги иқтидорли ижрочилар билан тўлдириш мақсадида бир қатор номзодлар кўриб чиқилмоқда.

Айни пайтда “Қироллик клуби” скаутлари диққат марказида Португалияда порлаётган ёш ҳимоячи — Альваро Каррерас турибди. 22 ёшли испаниялик футболчи ҳозирда “Бенфика” сафида ҳаракат қилмоқда ва жамоанинг асосий таянчларидан бирига айланган.

“Бенфика” қиммат баҳолаяпти, “Реал” арзонлаштиришнинг айёр йўлини топган

Лиссабон клуби ўз ёш юлдузини 60 миллион евро қийматда баҳоламоқда. Бироқ мадридликлар бу миқдорни юқори деб ҳисобламоқда ва трансферни айёр йўл билан амалга оширишни мақсад қилган.

Маълумотларга қараганда, “Реал” Каррерасни тўғридан-тўғри эмас, балки “Манчестер Юнайтед” орқали олишни режалаштирмоқда. Сабаби, “Юнайтед”да бу футболчини қайта сотиб олиш бўйича махсус шарт мавжуд.

“Юнайтед”да қайта харид қилиш ҳуқуқи бор

2023 йил ёзида “Манчестер Юнайтед” Каррерасни “Бенфика”га 6 миллион евро эвазига сотган ва шартномага 16 миллион евро эвазига қайтариб олиш ҳуқуқини ҳам қўшган.

Энди “Реал” мутасаддилари айнан шу банддан фойдаланиб, “Юнайтед” раҳбариятидан ёш ҳимоячини қайта сотиб олиб, кейин уни Мадридга йўллашни сўраган.

30–35 миллион евро — “Реал”нинг таклиф тавони

Агар “Манчестер Юнайтед” бу лойиҳага розилик берса, “Қироллик клуби” Каррерас учун 30–35 миллион евро атрофида компенсация тўлашга тайёрлигини билдирган.

Бу трансферда “Реал” жуда уста ва иқтисодий жиҳатдан манфаатли сценарий ишлаб чиққан, деса муболаға бўлмайди.

Хулоса ўрнида…

Альваро Каррерас каби ёш, иқтидорли ва Европада ўсиш салоҳиятига эга бўлган ҳимоячининг “Реал”да пайдо бўлиши мадридликлар учун келажакка инвестиция ҳисобланади. Агар бу айёрча трансфер режаси амалга ошса, “Реал” яна бир бор ўзининг трансфер стратегиясида ҳам ақлли ҳаракат қилишини кўрсатади.

Сиз нима деб ўйлайсиз — Каррерас “Сантьяго Бернабеу”да ўзини тўлиқ намоён эта оладими? «Замин»ни Telegram’да ўқинг!