Кори Сэндхаген UFC турнирида рақибини муддатидан аввал таслим этди

"UFC on ESPN 67" мусобақаси ўз якунига етди. Турнирнинг асосий жанг кечасида америкалик машҳур жангчи Кори Сэндхаген ҳамда Бразилиянинг тажрибали вакили Дейвисон Фигейреду ўзаро октагонга кўтарилди. Мазкур жанг бошланишиданоқ юқори суръат ва жуда катта шиддат билан давом этди.

Биринчи раундда ҳар икки спортчи ҳам ўзаро жуда фаол ҳаракат қилиб, рақибига аниқ зарбалар йўллашга уринди. Аммо иккинчи раундга келиб, жангнинг тақдири аниқ бўлди. Иккинчи раунд тугашига 50 сония қолганида Сэндхаген рақиби Фигейредуга бир неча зарбалар кетма-кетлигини йўллади ва бу ҳолат ҳакамни жангни тўхтатишга мажбур қилди.

Шу тариқа америкалик Кори Сэндхаген UFCдаги ўзининг 11-ғалабасини нишонлади. Бу муваффақият унинг профессионал фаолиятида яна бир муҳим босқич бўлди ва спортчига келгусидаги муҳим жанглар учун жиддий имкон яратди.

Эслатиб ўтамиз, ушбу ғалаба Сэндхагеннинг UFC доирасидаги нуфузини янада оширди ва уни чемпионлик жанглари учун асосий даъвогарлар қаторига қўшди. «Замин»ни Telegram’да ўқинг!