«Андижон» клуби бош мураббий Александр Хомяков билан хайрлашди

Маълумки, кеча Суперлиганинг навбатдаги турида «Андижон» клуби Олмалиқда ОКМК жамоасига қарши ўйнади. Учрашув жуда кескин ва драматик сценарийда ўтди. Биринчи бўлимни 3:1 ҳисобида ғолиб сифатида якунлаган «бургутлар» учун иккинчи тайм омадсизлик билан тугади. Мезбон жамоа футболчиси ҳатто майдондан четлатилганига қарамай, ОКМК ҳисобни ўз фойдасига 4:3 га ўзгартиришга муваффақ бўлди ва ғалабани тортиб олди.

Ушбу омадсиз натижадан сўнг, бугун клуб раҳбарияти томонидан муҳим қарор қабул қилинди ва жамоа бош мураббийи Александр Хомяков истеъфога чиқарилди.

«Андижон» клуби расмий баёнотида таъкидланишича, охирги ўйинлардаги муваффақиятсиз натижалар ушбу қарорга сабаб бўлган. Клуб раҳбарияти ва мухлислар Александр Хомяковга жамоада кўрсатган меҳнати ва қилган хизматлари учун миннатдорчилик билдирди.

Маълум қилинишича, жамоага янги бош мураббий тайинлангунча, «Андижон»ни вақтинчалик Артём Петросян бошқаради. Унинг қўл остида жамоа янги ғалабаларга умид боғламоқда.

Шундай қилиб, «Андижон» клуби мухлислари ва раҳбарияти янги бош мураббий тайинланишини интиқлик билан кутиб қолмоқда. Айни пайтда клубнинг асосий вазифаси янги мураббий раҳбарлигида мавсумнинг қолган қисмида яхши натижалар қайд этиш ва турнир жадвалида юқори ўринларга интилиш бўлади. «Замин»ни Telegram’да ўқинг!