«Байер» спорт директори: «Хаби Алонсо билан бутун футбол жамоатчилигини лол қолдирган жамоани туздик»

«Байер» спорт директори Симон Рольфес жамоа бош мураббийи Хаби Алонсонинг мавсум охирида жамоадан кетиши ҳақида ўз муносабатини билдирди.

«Хаби Алонсо «Байер» клубининг ривожланиш йўлида ҳақиқий бурилиш нуқтаси бўлди. У билан биргаликда биз майдонда кўрсатган ўйинимиз, жамоавий руҳ ва ўзига хос услуб билан бутун футбол жамоатчилигини лол қолдирган жамоани шакллантирдик. Биз биргаликда эришган натижалар ва клубимизнинг ҳозирги мавқеи билан фахрланамиз. Унинг келгуси фаолиятида катта муваффақиятларга эришишига тилакдошмиз ва ишонаманки, келажакда йўлларимиз яна кўп марта кесишади», – деди Рольфес.

Эслатиб ўтамиз, кеча Хаби Алонсо мавсум якунланиши билан «Байер»ни тарк этишини расман маълум қилган эди. Испаниялик мутахассис «Реал Мадрид» билан 3 йиллик шартнома имзолаши кутилмоқда.

«Байер» раҳбарияти Алонсонинг клуб учун қилган хизматларини юқори баҳолаб, унинг жамоага қўшган ҳиссасини алоҳида таъкидлаб ўтди. «Замин»ни Telegram’да ўқинг!