Россия Кубоги. ЦСКА "Зенит"ни пенальтилар сериясида енгди ва финалга йўл олди

Москвада Россия Кубоги “РПЛ йўли” финал жавоб ўйини кескин ва шиддатли тарзда ўтди. ЦСКА ўз мухлислари кўз ўнгида “Зенит”га қарши майдонга тушди ва ҳақиқий реванш спектаклини намойиш этди.

Биринчи ўйиндаги 0:2 ҳисобидаги мағлубиятдан сўнг бугунги баҳс ЦСКА учун имкониятлар жанги бўлди. Мезбонлар иккинчи ўйинда айнан шундай ҳисоб билан ғалаба қозонди ва ишни пенальтилар сериясигача олиб чиқди. Қатор бурилишларга бой бўлган пенальтилар сериясида армиячилар 4:3 ҳисобида зафар қучди ва Россия кубоги финалига йўл олди.

Учрашувнинг 62-дақиқасида Аббосбек Файзуллаев Миралем Пьянич ўрнига майдонга туширилди. Ўзбекистон терма жамоаси аъзоси бўлган ёш футболчининг ҳаракатлари мухлислар томонидан илиқ кутиб олинди.

Россия Кубоги супефинали 1 июнь куни Москвадаги “Лужники” стадионида бўлиб ўтади. ЦСКАнинг рақиби “Спартак” ёки “Ростов” бўлади. Финалгача фақат бир қадам қолди.

Футбол мухлислари бу финал ўйинида кимни кўришни истарди? «Замин»ни Telegram’да ўқинг!