Барселона Эспаньол устидан ғалаба қозониб, чемпионликни расман қўлга киритди

Ла Лиганинг 36-туридан ўрин олган дербида “Эспаньол” ўз майдонида “Барселона”ни қабул қилди. Учрашувда меҳмонлар 2:0 ҳисобида зафар қучишди.
53-дақиқада Алехандро Бальденинг узатмасидан сўнг Ламин Ямал ҳисобни очди. Учрашувнинг 90+5-дақиқасида эса Ферран Торрес иккинчи голни урди.
“Барселона” тўпни 75% назорат қилиб, рақибга қараганда 3 баробар кўпроқ пас узатди (740 та). Эспаньол сафида Леандро Кабрера 80-дақиқада қизил карточка олди.
Ушбу ғалаба орқали “Барселона” очколарини 85 тага етказди ва икки тур қолганида расман Ла Лига чемпиони бўлди!