Рио Фердинанд: “Мен бу боланинг ўйинларини стадиондан кузатдим...”

Англия футболининг афсонаси, “Манчестер Юнайтед”нинг собиқ марказий ҳимоячиси Рио Фердинанд футбол оламида катта шов-шувга сабаб бўладиган баёнот билан чиқди. Унга кўра, ҳозирда дунё футболида энг юқори даражадаги ўйинчи — “Барселона”нинг 17 ёшли истеъдоди Ламин Ямал.

Championat нашри ёзишича, Фердинанд Ямалнинг ўйин услуби ва ўйиндаги хулқ-атворига баланд баҳо берган.

“Мен бу болани жуда яхши кўраман. У футболни гўё бошқача ўқигандек ҳаракат қилади. 28 ёшли футболчи каби қарор қабул қилади, ҳар қандай босим остида ҳам хотиржам. Европанинг ярим финалида, “Интер”га қарши учрашувда унинг ҳаракатларини жонли кузатдим. У ҳаракат қилган қанотдан ўйинни томоша қилдим ва кўзим ундан узилмади. Бу менинг сўнгги йиллардаги энг ёдда қоларли футбол таассуротларимдан бири бўлди,” — дея таъкидлаган Фердинанд Mundo Deportivo нашрига.

Ламин Ямал бу мавсумда “Барса” сафида барча мусобақаларда 54 учрашувда майдонга тушди. У 18 та гол уриб, 25 та ассист муаллифи бўлди — бу 17 ёшли футболчи учун жуда юқори кўрсаткичдир.

Zamin.uz таҳририяти Ламин Ямалнинг ривожи, терма жамоа ва клубдаги келгуси фаолиятини кузатишда давом этади. Сиз уни келажакда қандай даражада кўрасиз? “Барселона”да янги “Месси” дунёга келдими? «Замин»ни Telegram’да ўқинг!