Ислом ва Хабиб: икки афсонанинг юзма-юз солиштируви

ММА оламида Доғистондан етишиб чиққан икки ном мавжудки, уларнинг исмлари бутун дунёда юраклар тепишини тезлаштиради: Ислом Махачев ва Хабиб Нурмагомедов. Иккаласи ҳам жанг санъатида ўзбекча айтганда "усто ва шогирд"дек муносабатда, бироқ уларни холис тарзда солиштиришга уриниб көрамиз. Ким кучлироқ? Савол оғир, аммо мулоҳаза қилиш арзийди.

Ислом Махачев фойдасига асослар

Биринчи навбатда, Ислом Махачевнинг 77 кг вазн тоифасига отишга бўлган тайёрлиги эътиборга лойиқ. Ҳали у ярим өрта вазнда ҳали расман жанг ўтказмаган бўлса-да, бу йукори даражадаги таваккалчилик ва янги қийинчиликларга тайёрликдир. Хабиб эса бутун фаолиятини 70 кг атрофида ўтказган.

Шу билан бирга, Махачев "Pound-for-Pound" рейтингида 19 ойдан буён етакчи бўлиб турибди. Бу эса, унинг устунлигини ва доимий устуворлигини кўрсатади. Хабиб эса фаолияти тугаганидан кейин, фақат 6 ой ушбу райхатда етакчи бўла олган.

Шунингдек, Ислом 15 та кетма-кет ғалабага эга бўлиб, Андерсон Силванинг 16 та рекордига яқинлашган. Ундан келаси жангдаги ғалаба унга на фақат рекорд, балки иккинчи вазн тоифасидаги чемпионликни ҳам бериши мумкин.

Хабиб Нурмагомедов фойдасига асослар

Исломда статистик устунликлар кўпроқ бўлиши мумкин, лекин Хабибнинг октагондаги таъсири ва психологияси бошқача. У жангга чиққанида рақиблар "ўйлаб топадиган" эмас, "йўқотишдан қутула олмайдиган" курашчи экани маълум эди. Унинг маҳоратлари қарши чиқиш мумкин бўлмаган даражада идеаллашганди.

Шунингдек, Хабибнинг Конор Макгрегорга қарши жангдаги зафарли чиқиши унинг спортдаги образини афсонавий даражага олиб чиқди. Исломда эса шундай даражадаги рақиблар йўқ: Оливейра, Волкановски — кучли, бироқ "ўйин ўзгартирувчи" эмас.

Яна бир жиҳат: кўпчилик Махачевнинг муваффақиятида Хабибнинг ҳиссаси борлигини тан олади. Бу шунчаки шахсий боғлиқлик эмас, балки Хабибнинг устоз сифатидаги ўрнини ҳам кўрсатади.

Хулоса сизнинг қўлингизда

Шубҳасиз, ҳар иккаласи ҳам ўз даврининг тенгсиз юлдузлари. Ислом техник жиҳатдан замонавий, Хабиб эса маънавий ва руҳий таъсирга эга. Бу икки йўналишнинг қайси бири устунлигини аниқлаш мушкул. Аммо шунга амин бўлиш мумкинки, уларнинг ҳар бири ММА тарихида алоҳида саҳифаларни ёзиб кетмоқда.

Ким афзал? Бу саволга жавоб бериш учун статистика, услуб, таъсир ва мухлислар эҳтиросини ҳисобга олиш керак. Биз эса фикрни сизнинг ўзингизга қолдирамиз. Фақат битта нарса аниқ: Махачев ва Хабиб — бу нафақат доғистонликлар, балки бутун дунё учун ғурур. «Замин»ни Telegram’да ўқинг!