Финалдан сўнг можаро: Гарначо жамоани тарк этадими?

Европа лигаси финалидаги мағлубият “Манчестер Юнайтед” ихлосмандлари учун аламли бўлди, аммо воқеалар ривожи мураббий ва футболчи ўртасидаги жиддий қарама-қаршилик билан янада кескин тус олди — деб хабар берди Zamin.uz.

Инсайдер Девид Орнштейннинг маълумотларига кўра, финалдан сўнг амалга ошган воқеалар клуб ичидаги ички муносабатларга катта таъсир кўрсатган. Ҳозирча клуб бош мураббийи сифатида фаолият олиб бораётган Рубен Аморим аргентиналик ёш юлдуз Алехандро Гарначо билан жиддий тортишувга борган.

"Фақат 20 дақиқа?" – мухлисларни ҳам иккига бўлган фикрлар

Гарначо финалдан кейинги интервьюсида Аморимнинг қарорларини танқид қилган. Унга кўра, шундай ҳал қилувчи баҳсда ўзига атиги 20 дақиқа берилгани уни ранжитган ва буни очиқчасига баён қилган. Бу гаплар нафақат мураббий, балки клуб атрофидаги кўплаб экспертлар ва мухлислар томонидан ҳам турлича қабул қилинди.

Аморимнинг жавоби қаттиқ ва кескин бўлди

Мураббий ушбу интервьюдан қаттиқ ғазабланган ва шундан сўнг Гарначони жамоанинг келаси мавсумдаги режаларида кўрмаслигини маълум қилган. Орнштейнга кўра, Аморим жамоа олдида қолишини билдирган ва Гарначога яқин ўрталарда янги клуб топишни маслаҳат берган.

МЮ футболчини сотишга тайёр, талаб катта

Клуб раҳбарияти ҳам бу можародан кейин футболчини ёзда сотишга қарши эмас. Ҳозирнинг ўзидаёқ “Челси” ва Италиянинг “Наполи” клублари Гарначога жиддий қизиқиш билдирган. Манчестер томони уни 60–70 миллион евро атрофида баҳоламоқда.

Ўз ҳиссасини қўшган эди…

Қизиғи шундаки, жорий мавсумда Гарначо 58 та учрашувда қатнашиб, 11 та гол ва 10 та голли узатма билан жамоага муносиб ҳисса қўшган. Лекин футбол фақат рақамлардан иборат эмас — тартиб ва интизом ҳам муваффақиятнинг асосий қисмидир.

Гарначо – иқтидорли, лекин баъзида ортиқча откровенност жамоадаги мувозанатни бузиши мумкин. Аморимнинг қарорлари қаттиқ бўлса-да, клуб учун қайси йўл тўғри бўлишига вақт баҳо беради. Мухлислар эса бу қарама-қаршилик қандай тугашини кутмоқда.