Садио Мане “Ал Насср”ни тарк этадими? Янги юлдуз учун йўл очилмоқда!

Саудия Арабистонининг етакчи жамоаларидан бири — “Ал Насср” ёзги трансфер ойнасида жиддий ўзгаришларга тайёргарлик кўрмоқда. Клуб сенегаллик машҳур футболчи Садио Манега янги мавсумда жамоада жой бўлмаслиги мумкинлигини маълум қилди.

Бу қарор, авваламбор, жамоанинг легионерлар лимити тулиб бўлгани билан боғлиқ. “Ал Насср” эса Европанинг энг иқтидорли ёш футболчиларидан бири — “Манчестер Юнайтед” ярим ҳимоячиси ва Аргентина терма жамоаси аъзоси Алехандро Гарначони ўз таркибига қўшиб олиш ниятида. Аммо бу трансферни амалга ошириш учун аввал мавжуд легионерлардан бири билан хайрлашиш зарур.

Ҳозирча таркибдаги энг эҳтимолий номзод — айнан 33 ёшли Садио Мане. У 2023 йилнинг августида жамоага қўшилган ва ўтган мавсумда 47 та расмий ўйинда майдонга тушиб, 18 та гол ва 14 та голли пас билан ўз ҳиссасини қўшганди. Маненинг жамоадаги меҳнати етарлича юқори баҳоланса-да, лимит сабабли клуб унга бошқа жамоа қидиришга қарор қилган.

Айни пайтда сенегаллик юлдузга Европанинг бир қатор жамоалари, шу жумладан, Туркия ва Қатардан ҳам қизиқишлар бор. Унинг юқори тажрибаси ва профессионаллиги ҳар қандай жамоа учун бойлик саналади.

“Ал Насср” эса янги қон олиб кириш орқали жамоани ёшартириш ва янада тезкор ўйин услубини йўлга қўйиш ниятида.