Португалия терма жамоасининг собиқ бош мураббийи Пауло Бенто 2010–2014-йиллардаги фаолияти давомида Криштиано Роналдо билан муносабатлари қандай ўзгаргани ҳақида гапириб берди. Мутахассиснинг сўзларига кўра, жамоа ичидаги таранглик унинг ўз принципларидан воз кечишни истамагани билан боғлиқ бўлган. Бу ҳақда Goal.com хабар беради.
Бенто "Антена 1" телеканалига берган интервюсида мураббий сифатида ўз қарорларини ҳимоя қилиш муҳимлигини таъкидлади. Унинг фикрича, агар мураббий ўз принципларини юлдуз футболчилар учун қурбон қилса, бу ўз ишига нисбатан ҳалол бўлмасликни англатади. "Менга қарор қабул қилиш учун пул тўлашади, агар бошқалар менинг ўрнимга қарор қабул қилса, бу нотўғри бўлади", - дейди Бенто.
Собиқ мураббий кийим алмаштириш хонасида иерархия ва тартиб-интизом биринчи ўринда туриши кераклигини қўшимча қилди. У ўз футболчилик фаолияти давомида ҳеч қачон мураббийга таркиб танлаш бўйича эътироз билдирмаганини эслади ва жамоада ким бошқарувчи эканлиги аниқ бўлиши шартлигини таъкидлади.
Айни дамда Криштиано Роналдо Саудия Арабистонининг Ал Насср клуби сафида ўз фаолиятини давом эттирмоқда. У жамоаси билан Саудия Pro лигасида чемпионлик учун кураш олиб бормоқда ва мавсум якунлангач, Португалия терма жамоаси билан 2026-йилги Жаҳон чемпионатига тайёргарликни бошлайди.
“Zamin”ни Telegram'да ўқинг!
