Австралия сенсация яратди: Саудияни енгиб, мундиалга йўл олди!

Жаҳон чемпионати–2026 саралаш босқичида муҳим ва драматик баҳслардан бири якунланди. Австралия терма жамоаси меҳмонда Саудия Арабистонини 1:2 ҳисобида мағлуб этиб, тўғридан-тўғри Жаҳон чемпионати йўлланмасини қўлга киритди.

Риёздаги беллашув аввалиданоқ кескин кураш билан бошланди. Саудияликлар 19-дақиқада Абдулраҳмон Ал Обуднинг голи орқали ҳисобни очишди. Бироз сўнг, 42-дақиқада Коннор Меткалф ҳисобни тенглаштирди. Иккинчи бўлимни жуда фаол бошлаган австралияликлар 48-дақиқада Митчел Дюкнинг голи билан ҳисобни ўз фойдасига оғдиришди.

Ушбу ғалаба Австралияга жадвалда 19 очко билан иккинчи ўринни мустаҳкамлаш имконини берди ва жамоа Япония билан бирга Жаҳон чемпионатига тўғридан-тўғри йўл олди. Саудия Арабистони эса 13 очко билан учинчи ўринда қолиб, плей-офф босқичига чиқишга мажбур бўлди.

Жадвал сўнгги кўриниши:

Австралиянинг ушбу зафарли юриши футбол мухлислари орасида катта шов-шувга сабаб бўлмоқда. Жамоа тайёргарлик, тактика ва руҳий барқарорликда ўз рақибларидан устун эканини яна бир бор намоён этди. Саудия эса барча имкониятларига қарамай, ҳал қилувчи паллада шиддатни ушлай олмади.

Австралия учун навбатдаги манзил — 2026 йилги Жаҳон чемпионати!