«Галатасарай» «Челси» дарвозабонини олишга қизиқмоқда

Лондоннинг «Челси» клуби ушбу ёзда ўз дарвозабони Джордже Петровични «Галатасарай»га сотиши мумкин, деб euro-football.ru хабар берди.

Эслатиб ўтамиз, сербиялик дарвозабон ўтган мавсумни Франциянинг «Страсбург» жамоасида ижара асосида ўтказган.

Журналист Саймон Филлипснинг маълумотига кўра, «Галатасарай» Петровични Фернандо Муслера ўрнига таклиф қилмоқчи. Туркия клуби уни сотиб олиш ҳуқуқи билан ижарага олишни режалаштирмоқда.

Аввалроқ Петрович «Челси»дан ўзини Жаҳон клуб чемпионати учун ростерга қўшмасликни сўраган, чунки жамоа раҳбарияти унга асосий таркибда доимий ўйин амалиётини кафолатлай олмаган. Шу сабабли у жамоани тарк этиш қарорини қабул қилган. «Замин»ни Telegram’да ўқинг!