Хавьер Тебас: Клублар Жаҳон Чемпионати футбол келажагига таҳдид солмоқда

Футбол оламида катта қизиқиш уйғотган клублар ўртасидаги Жаҳон чемпионати янгиланган форматда старт олганига қарамай, Ла Лига президенти Хавьер Тебас мазкур мусобақага кескин қаршилигини билдирди. Тебаснинг фикрича, ушбу турнир нафақат миллий лигаларга, балки бутун Европа футболи тизимига жиддий таъсир кўрсатмоқда.

У ўзининг интервьюсида ФИФАдан турнирни такомиллаштириш йўлидаги ҳар қандай уринишларга нуқта қўйишни, ҳатто, уни бутунлай бекор қилишни қатъий талаб қилди. “Клублар ва футболчиларга пул келтирадиган яна бир мусобақага эҳтиёж йўқ. Бу модель аудиовизуал ҳуқуқлар соҳасида маблағларни тўсиб қўяди. Мавжуд тизимни сақлаб қолиш ва турнирни аввалгидек, бир дам олиш кунида ўтказиш лозим. Бўш саналар йўқ”, – деди Тебас.

Мусобақа ўйинларини шахсан кузатганини айтган Ла Лига президенти, “Челси”нинг “Лос-Анжелес”га қарши ўйинини мавсумолди ўртоқлик учрашуви каби деб баҳолади: “Кўрган 25 дақиқам давомида ҳеч қандай жиддийликни сезмадим”.

Эслатиб ўтамиз, Клублар ўртасидаги Жаҳон чемпионатининг янги форматида дунёнинг энг кучли жамоалари иштирок этмоқда, бир неча машҳур нашрлар эса турнирнинг энг қизиқарли ўйинларига ўз тахминий таркибларини эълон қилган эди. Аммо, Европа футболи раҳбарлари учун бу мусобақа жиддий муаммога айланмоқда.

Мухлислар саволи: Клублар Жаҳон чемпионати ҳақиқатан ҳам керакми ёки футбол анъаналарига зарар келтиряптими? «Замин»ни Telegram’да ўқинг!