Виталий Денисов Россиядаги жамоалардан бири ундан 24 минг доллар қарз эканини айтди

Ўзбекистон терма жамоаси ҳимоячиси Виталий Денисов Россиядаги фаолиятини эслаб, ўз вақтида тўп сурган Нижний Новгороднинг «Спартак» клубидаги вазиятни хотирлади.

Тўғрисини айтсам, «Спартак» ҳозиргача мендан қарз. Бу сумма 24 минг долларни ташкил қилади. Умуман бу жамоа таркибида тўп сурганимда фақатгина бир марта ойлик олганман», дея гапириб ўтди Денисов «Культ Тура» кўрсатувида.

Эслатиб ўтамиз, Денисов нижний новгородликлар таркибида 2006 йилда ижара асосида тўп сурганди. Ўшанда у бир мавсумда 36 учрашувда майдонга тушиб 1 бор рақиблар дарвозасини ишғол қилган. «Замин»ни Telegram’да ўқинг!