Будапешт шаҳрида жадаллик билан ўтаётган дзюдо бўйича жаҳон чемпионати нафақат спорт баҳслари, балки муҳим ташкилотчилик жараёнлари билан ҳам аҳамият касб этмоқда. Мазкур нуфузли мусобақа доирасида Халқаро дзюдо федерацияси (IJF) Атлетлар комиссиясига янги аъзоларни сайлаш жараёни бошланди.
Эътиборлиси, сайловда Ўзбекистон шарафини ҳимоя қилувчи, Париж-2024 Олимпиадаси ғолибаси, дзюдочимиз Диёра Келдиёрова ҳам ўз номзодини илгари сурди. Унинг IJF комиссиясидаги иштирок этувчи сифатида сайланиши нафақат шахсий, балки миллий спортимиз учун ҳам муҳим воқелик ҳисобланади.
Сайловда фақатгина аккредитациядан ўтган, яъни расмий рўйхатга киритилган спортчилар овоз бериш ҳуқуқига эга. Демак, муваффақиятли натижа фақат жонкуяр ва халқаро майдонда тажрибага эга бўлган спортчиларнинг қўллаб-қувватлашига боғлиқ.
Келдиёрова ушбу курашда дунёнинг тенгқур юлдузларига — Украинадан Дарья Билодид, Япониядан Рёносуке Ҳага, Австралиядан Натан Кац ҳамда Бразилиядан Кейтлин Куадрос каби дзюдо намоёндаларига қарши турмоқда.
Маълумки, Атлетлар комиссияси спортчилар манфаатларини халқаро миқёсда ҳимоя қиладиган, муҳим қарорларда иштирок этадиган орган ҳисобланади. Шу боис Диёра Келдиёрованинг бу лавозимга сайланиши унинг фаолиятида янги босқични англатиши мумкин.
Овоз бериш жараёни яқин кунларда якунига етиши кутилмоқда. Дзюдо жамоатчилиги эса ушбу жараёнда ўзбек спортчисининг зафар қучишини кутмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
