Клублар ўртасидаги жаҳон чемпионати 2-туридан ўрин олган баҳсда навбатдаги сенсацион натижа қайд этилди. 20 июн куни тонгда Rose Bowl стадионида 93 мингдан зиёд мухлис кўз ўнгида EЧЛ ғолиби ҳисобланган Париж Сен-Жермен Бразилиянинг “Ботафого” клубига қарши майдонга тушди.
Кучли ва юлдузларга бой таркиби билан танилган ПСЖ ушбу ўйинда мутлоқ фаворит сифатида баҳоланганди. Бироқ воқелик бошқача кечди – 36-дақиқада бразилиялик ҳужумчи Игор Жезус томонидан урилган якка гол учрашув тақдирини ҳал қилди.
Парижликлар иккинчи бўлимда вазиятни ўнглашга барча кучини ишга солди – тўп назорати, босим ва танафусдан кейинги стратегик ўзгаришлар натижа бермади. “Ботафого” ҳимояда жуда ишончли ҳаракат қилди ва голлар киритиш имкониятларини минимал даражага туширди.
Бу натижа ПСЖ учун катта зарба бўлди. Чемпионлар Лигасининг амалдаги ғолиби бўлишларига қарамасдан, улар Клублар ўртасидаги ЖЧдаги навбатдаги босқич учун вазиятни мураккаблаштириб қўйди. Аксинча, “Ботафого” учун бу ғалаба жаҳон футбол саҳнасида ўз номини янада кучлироқ ёзиб қўйиш учун муҳим қадам бўлди.
Ўйинда иштирок этганлар ва мухлислар шов-шувли кечага гувоҳ бўлишди – Бразилия клуби Европанинг кутилган кучи ПСЖни шўнғитиб юбора олди.
Қайд этиш жоиз, ушбу баҳс 2025 йилги Жаҳон чемпионати мусобақалари доирасидаги энг кутилмаган натижалардан бири сифатида тарихга кириши аниқ. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
