Янги мавсум олдидан “Реал Мадрид”да катта ўзгаришлар бошланиши мумкин. Жамоанинг бош мураббийи этиб тайинланган Хаби Алонсо Мадрид клубини ўз услубига мос таркиб билан қайта шакллантиришга киришди. Испания нашрлари тарқатган хабарларга кўра, бир неча йирик футболчи жамоани тарк этиши кутилмоқда.
Хусусан, мутахассис Давид Алаба, Родриго Гоэс ва Фран Гарсияни ўз тактик режаларида кўрмаяпти. Унга кўра, бу футболчилар “Реал”нинг янги ўйин услубига тўлиқ мос келмайди.
Бразилиялик вингер Родриго Гоэснинг вазияти анча мураккаб. Илгари асосий таркибда доимий равишда майдонга тушган Родриго ҳозирги кунда Килиан Мбаппе ва Винисиус Жуниорнинг соясида қолиб кетяпти. Бу эса унинг ўйин амалиётига жиддий таъсир қилмоқда. Хаби Алонсо эса тезкор қанот ҳужумчиларидан юқори самарадорлик талаб қилмоқда ва бу борада Родригога ишонч пасайган.
Австриялик тажрибали ҳимоячи Давид Алаба эса жиддий жароҳатдан сўнг ҳали тўлиқ тикланмаган. Унинг ўйин формасига қайтиши ҳақида аниқ маълумот йўқ ва бу ҳам қарор қабул қилишда таъсир кўрсатган.
Ёш ҳимоячи Фран Гарсия эса ўтган мавсумда берилган имкониятлардан самарали фойдалана олмади. Унинг позициясида кучли рақобат мавжуд ва у бу рақобатда ўзини кўрсата олмаган футболчилардан бири сифатида қайд этилмоқда.
Хаби Алонсонинг трансфер сиёсати қатъий: у жамоада шунчаки исм учун эмас, майдонда реал натижа берувчи футболчиларни кўришни хоҳламоқда. Мадрид клубида янги босқич бошланиши олдидан таркибий ўзгаришлар биринчи қадам бўлади.
Шу билан бирга, ушбу футболчиларнинг кетиши “Реал”га янги юлдузлар келиши учун иқтисодий ва тактик йўл очади. Ҳозирча клубдан расмий баёнот берилмади, бироқ мавсум яқинлашган сари барча ўзгаришлар аниқлашади. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
