Ўзи боғичланувчи Nike кроссовкалари сотила бошланди » Ўзбекистон янгиликлари – Zamin.uz

Ўзи боғичланувчи Nike кроссовкалари сотила бошланди

Спорт 1-12-2016, 22:39 497
Ўзи боғичланувчи Nike кроссовкалари сотила бошланди

Nike компаниясининг Нью-Йоркдаги етакчи дўконлари (Nike SoHo ва NIKE+ ClubHouse) ўзи боғичланувчи HyperAdapt 1.0 кроссовкаларини сотишни бошлади. Бу ҳақда Kun.uz ёзмоқда.

Бугунда кроссовкаларни олдиндан ёзилиб қўйганларгина сотиб олишлари мумкин. 20 декабрдан кроссовкаларни Чикаго, Лос-Анжелес ва Сан-Францискодаги дўконлардан сотиб олиш мумкин бўлади. Кроссовкани шунингдек смартфонлар учун NIKE+ дастури орқали сотиб олиш ҳам мумкин.

Ушбу антиқа пойабзалнинг илк соҳибларидан бири актёр Майкл Бакари Жордан бўлди ва у пойабзал қутисини очиш видеосини фейсбукда чоп этди.

Кроссовканинг нархи 720 долларни ташкил қилади. Ушбу пойабзал бошқа давлатларда қачон савдога чиқиши ҳозирча маълум қилинмаган.

Автоматик боғичланувчи HyperAdapt 1.0 кроссовкаларининг ишлаб чиқарилиши бошланиши ҳақида 2016 йил март ойида эълон қилинганди. Кроссовканинг прототипи ўтган йил охирида намойиш қилинган ва ушбу кроссовканинг яратилишига сабаб бўлган "Келажакка қайтиш" фильмидаги бош қаҳрамон ролини ижро этган актёр Майкл Ж.Фоксга совға қилинган. Ушбу фильмда актёр ижросидаги бош қаҳрамон Марти Макфлай шундай кроссовкаларни 2015 йилга тушиб қолганда топиб олади.




Zamin.uz нинг Facebook’даги расмий саҳифасига обуна бўлиб, янгиликлардан хабардор бўлинг.