"Интер" бош мураббийи аламли мағлубиятнинг асосий сабабини айтди

Клублар ўртасидаги Жаҳон чемпионати 1/8 финал босқичидан ўрин олган “Интер” ва “Флуминенсе” жамоалари ўртасидаги беллашув футбол мухлислари учун кутилмаган натижа билан якунланди. Италия грандларидан бири бўлган “Интер” 0:2 ҳисобида мағлубиятга учради.

Учрашувдан сўнг миланликлар бош мураббийи Кристиан Киву жамоаси кўрсатган ўйин ҳақида ўз фикрларини билдириб ўтди. Унинг таъкидлашича, жамоа таслим бўлмасдан, охиригача ҳаракат қилди:

– Биз охирги дақиқаларгача курашишга уриндик, барча имкониятларни синаб кўрдик. Аммо футболда шундай кунлар бўладики, барча ҳаракатларинг самара бермайди. Айнан шундай ҳолат бугун биз билан содир бўлди, – дея Кивудан иқтибос келтиради ФИФА расмий сайти.

Мутахассис рақиб жамоа тактикаси улар учун кутилмаган ҳолат бўлганини ҳам алоҳида таъкидлади:

– Биз “Флуминенсе”ни беш нафар ҳимоячи билан ўйнайди деб кутмаган эдик. Бу эса айниқса биринчи бўлимда катта ноқулайлик туғдирди. Уларнинг ёндашувига мослашиш ва унга қарши ечим топиш анча қийин бўлди. Уларнинг ҳаракатлари шошириб қўйди, – деди у.

Эслатиб ўтамиз, “Флуминенсе” энди чорак финалда “Манчестер Сити” ва “Ал-Ҳилол” учрашуви ғолиби билан тўқнаш келади. Ушбу босқичда улар янада жиддий рақибга қарши майдонга тушишади ва ўз сўзларини айтишга ҳаракат қилишади.

Киву эса жамоасининг мағлубиятидан сабоқ чиқариш зарурлигини таъкидлар экан, “Интер” мухлисларига миннатдорчилик билдирди ва уларни ноёб қўллаб-қувватлов учун алоҳида эътироф этди.

Ушбу мағлубият “Интер” учун мусобақадаги йўлни тўхтатиши мумкин, бироқ бу жамоа фалсафаси ўзгармаслигини ва келгуси мавсумларда яна кучли таркиб билан майдонга қайтишларини англатади. «Замин»ни Telegram’да ўқинг!