“Барселона”да молиявий танглик яна бош кўтарди. Клуб раҳбарияти ёзги трансферлар ойнасида айрим футболчиларни сотишга мажбур бўлмоқда, деб ёзмоқда Sport.es.
Қизиғи шундаки, сотилиши мумкин бўлган футболчилар рўйхатида ёш ва умидли Фермин Лопес ҳам пайдо бўлди. 22 ёшли ҳужумкор ярим ҳимоячи сўнгги мавсумда жамоа таркибидаги муҳим шахсга айланган эди. Уни асосий таркибга танлаган мутахассис эса — Ханс-Дитер Флик.
Каталония клубида ички молиявий босим сезиларли даражада ортиб боряпти. Бу эса ҳатто фаол ва самарали ўйнаётган ёш иқтидор эгаларини ҳам трансферга қўйишга мажбур қилмоқда. Мутахассислар таъкидлашича, Флик Ферминни сақлаб қолмоқчи, аммо клуб раҳбарияти унинг трансфери бўйича жиддий қарор қабул қилишга тайёр.
Шу пайтгача Фермин Лопесга бўлган қизиқиш бир нечта топ клублар томонидан билдирилди. Улар орасида “Атлетико Мадрид”, “Ливерпуль” ва “Бавария” каби Европанинг етакчи жамоалари ҳам бор.
Каталонияликлар Ферминни фақат юқори миқдордаги таклифга жавобан қўйиб юбориши мумкин. Бу футболчи жамоа тизимида етилиб келаётган, майдондаги ҳаракатлари, техник маҳорати ва ҳужумдаги таъсирчан ўйини билан мухлислар қалбидан жой олган.
Ферминнинг тақдири яқин ҳафталарда аниқ бўлади. Агар келишув амалга ошса, у “Барселона”дан катта пул эвазига кетадиган навбатдаги иқтидор соҳибига айланади. Агар қолса, жамоа уни келажакдаги асосий етакчилардан бири сифатида тарбиялашда давом этади.
Мухлислар эса бу қарорни ҳайрат билан кузатмоқда. Улар клуб тарихида кўплаб ёш истеъдодлар фидойилик билан етишганини унутмаган. Фермин Лопес ҳам ана шундай юлдузлардан бири бўлиши мумкин. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
