Неймар тўпини ўғирлаган шахс 17 йилга қамалди

Бразилияда 2023 йил бошида содир бўлган сиёсий тўнтаришга уринишда иштирок этган гуруҳ аъзоси Нелсон Рибейро Фонсека Жуниорга суд ҳукми ўқилди, деб Euro-football.ru хабар берди.

У ва унинг шериклари мамлакатда сиёсий беқарорликни келтириб чиқаришга уринишган. Мазкур гуруҳ экстремистик ҳаракатларни амалга оширишга урингани суд жараёнида маълум бўлди.

Тергов маълумотларига кўра, улар миллий барқарорликка жиддий таҳдид солган. Намойишлар пайтида жиноятчилар Бразилия Миллий Конгресси биносига кириб, 2012 йилда “Сантус” клубининг 100 йиллиги муносабати билан Неймар томонидан мамлакат президентига совға қилинган футбол тўпини ўғирлашган.

Тўп Неймарнинг имзоси билан бўлгани учун катта аҳамиятга эга эди. Қизиғи шундаки, ушбу тўпни ўғирлаган шахс бир ойдан сўнг уни ўз хоҳиши билан полицияга топширган.

Унинг айтишича, бу ишни бошқа вандаллардан тўпни сақлаб қолиш мақсадида қилган. Шунга қарамай, суд унга 17 йиллик озодликдан маҳрум этиш жазосини тайинлади.

Бу ҳолат унинг сўзлари ҳуқуқни муҳофаза қилувчи органларга катта таъсир қилмаганини кўрсатади. Воқеа Бразилияда сиёсий ва ижтимоий вазият қандай кескин эканини яна бир бор намоён қилди. «Замин»ни Telegram’да ўқинг!