Собиқ «Реал» дарвозабони Кико Касилья ҳужумчи Криштиану Роналдунинг сахийлиги ҳақида гапирди, деб Euro-football.ru хабар берди.
Касилья фикрига кўра, Роналду — ноёб шахс ва юқори даражадаги инсон. У ҳатто ёшлар академиясида ўқиётган болаларга ҳам ёрдам беришни унутмайди.
«Ундан нима сўрасангиз, бажаришга тайёр», — дейди Касилья. Унинг таърифлашича, жамоа мавсумга тайёргарлик кўриш учун АҚШга йўл олганида, Роналду барча ходимларга — физиотерапевтлар, хавфсизликчилар ва бошқаларга янги iPhone ва Apple Watch совға қилган.
Роналду ўз атрофидаги инсонларга миннатдорлик билдиришни яхши кўрадиган шахс. Ҳозирда у Саудия Арабистонининг «Ал-Наср» клубида тўп сурмоқда.
Яқинда у ушбу клуб билан шартномасини яна икки йилга узайтирди. Унинг сахийлиги ва ёрдам бериш истаги кўпчилик учун намуна бўлиб хизмат қилмоқда.
Роналду нафақат майдонда, балки унинг ташқарисида ҳам инсонпарварлиги билан ажралиб туради. Шу фазилатлари уни жаҳон футболидаги энг нуфузли юлдузлардан бирига айлантирмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
