Европа трансфер бозоридаги энг катта интригалардан бири — Нико Уильямснинг келажаги, айниқса “Барселона”нинг унга нисбатан куйиб-пишган ҳаракатлари яна кутилмаган драма билан якунланди, деб хабар берди sport.es. Кўплаб мухлислар ва журналистлар бу ёз “Барса” ниҳоят орзусидаги қанот ҳужумчисини қўлга киритади, дея ишонган эди. Аммо воқеалар бутунлай бошқача тус олди.
Ўтган йил ёзида ҳам каталонияликлар Нико Уильямсни олиб келишга бир қадам қолганди. Бироқ футболчининг ўзи “Атлетик”да қолишни афзал билди ва барча трансфер мунозараларини ёпди. Бу йил ҳам “Барселона” бу имкониятни қўлдан бой бермаслик учун бор кучи билан ҳаракат қилди. Эътиборлиси, Нико Уильямс ҳам фақат “Барса”ни танлашини, бошқа топ-клублар — “Арсенал”, “Манчестер Юнайтед”, “Бавария”, ПСЖ таклифларини қабул қилмаслигини расман маълум қилган эди.
Мадрид ва Барселона матбуотида футболчи билан келишув ҳақида турли маълумотлар тарқалди, кўплар бу трансфер жуда яқин эканини таъкидлади. Бироқ барча тахминларга қарамай, “Атлетик”нинг расмий баёноти барчасини ўзгартириб юборди. Клуб матбуот хизмати Нико Уильямс билан янги, ўзига хос тарихий битим имзоланганини эълон қилди.
Нико Уильямснинг аввалги шартномаси 2027 йилнинг ярмигача амал қиларди ва унда 58 миллион евро бадал пули кўзда тутилган эди. Янги битим эса 2035 йил 30 июнигача узайтирилди — бу эса “Атлетик” раҳбарияти ўз етакчисини мутлақо таркибда сақлаш ниятида эканини кўрсатади. Катта эҳтимол билан, Нико Уильямс “Атлетик” тарихи ва Бильбао жамоасининг рамзига айланади.
Мухлислар учун эса бу воқеа — Европа трансферлар бозоридаги янги давр бошланишининг белгиси. Катта пуллар, совуқ ҳисоб-китоб эмас, балки уй, садоқат ва жамоа рамзи устуворлик қилмоқда. “Барселона” эса ўз орзусидаги юлдузни қўлга киритолмади. Бильбаода эса янги тарих бошланмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
