Футболчи Ламин Ямал “Барселона” клубининг вингери Нико Уильямснинг “Атлетик” Бильбао клубидан трансфери амалга ошмаганидан норози бўлди, деб Euro-football.ru хабар берди.
Каталония жамоаси 22 ёшли футболчини яқин кунларда расмийлаштиришни режалаштирган эди ва оммавий ахборот воситаларидаги кўплаб манбалар бу трансфер амалга ошиши деярли аниқ эканини таъкидлаганди. Бироқ натижада испан футболчиси “Атлетик” билан 2035 йилгача янги шартнома имзолади.
Diario AS нашри маълумотига кўра, Ямал Уильямснинг “Барселона”га ўтмаслик ҳақидаги қарорига жуда афсусланган. 17 ёшли иқтидор эгаси дўсти билан бир жамоада тўп суришни орзу қилган эди.
Нико Уильямсни харид қилиш учун 58 миллион евро миқдорида маблағ талаб қилинган. Янги шартномада футболчи учун анча юқори пеня (тўлов) миқдори белгиланган.
Бу воқеа каталонияликлар учун катта афсус бўлди, чунки улар ёш ва иқтидорли футболчини ўз жамоаларида кўришни хоҳлашган эди. Энди “Барселона” бошқа вариантларни кўриб чиқиши лозим бўлади.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
