“Бавария”да шок жароҳат: Мусиала майдондан узоқ муддат четда қолади

ФИФА томонидан янги форматда ўтказилаётган клублар ўртасидаги жаҳон чемпионати чорак финалида катта интригага бой учрашув бўлиб ўтди. “Пари Сен-Жермен” ва Германия гранди “Бавария” жамоалари ўзаро тўқнаш келган беллашувда футбол ишқибозлари ҳақиқий драманинг гувоҳи бўлишди.

Парижликлар ўйинда икки футболчиси майдондан четлатилганига қарамай, юқори руҳ ва интизом билан ҳаракат қилишди. Бундеслига чемпиони бўлган “Бавария” дарвозасига жавобсиз иккита тўп киритилиши мухлислар учун кутилмаган натижа бўлди. ПСЖ да ўз сўзини айтган ўйинчилар, қарши ҳужумда ажойиб маҳорат намоён этиб, рақиб ҳимоясини икки бор ожиз қолдиришди.

Бироқ, “Бавария” жамоаси фақат мағлубият билангина чекланиб қолмади. Учрашувнинг биринчи бўлими охирида, тажрибали посбон Жанлуижи Доннарумма билан тўқнашув натижасида жамоанинг ёш ва ҳужумкор юлдузи Жамол Мусиала оғир жароҳат олди. Маълумотларга кўра, унда оёқ сингани ва мушак боғламлари зарарлангани аниқланган.

Bild нашри таъкидлашича, 22 ёшли Мусиалани камида тўрт-беш ой майдонда кўрмаслик эҳтимоли бор. Мутасаддилар ва футбол муҳитидаги кўплаб экспертлар бу жароҳат “Бавария” учун мавсумдаги энг йирик йўқотишлардан бири бўлишини айтишмоқда.

Ҳозирги кунда “Бавария” учун асосий вазифа — ёш футболчини соғлом ҳолда жамоага қайтариш ва қолган учрашувларда унинг ўрнини тўлдириш бўлади. ПСЖ эса жароҳатлар ва қийинчиликларга қарамай, чемпионатда илгарилаб бормоқда. «Замин»ни Telegram’да ўқинг!