Энрике “Реал”га қарши ўйин олдидан очиқ гапирди: “Бу янги жамоа, лекин хавфли”

ПСЖ бош мураббийи Луис Энрике клублар ўртасидаги жаҳон чемпионатининг ярим финалида “Реал Мадрид”га қарши бўладиган муҳим тўқнашув олдидан ўз фикрларини билдирди.

Унинг таъкидлашича, “Реал”ни таҳлил қилиш осон эмас, чунки клубда тактик жиҳатдан янгиланиш жараёни кетмоқда. “Бу – бошқача ‘Реал’. Энди уларда янги мураббий, янги ёндашув бор. Албатта, Хаби Алонсо кучли жамоа қуриш ниятида. Уларда индивидуал маҳорати юқори футболчилар кўп”, – деди Энрике.

Шу билан бирга, Энрике ўз жамоасининг ўйинга тўлиқ тайёр эканини таъкидлади: “Реал билан тўқнашув турнирда юқори босқичга чиқиб келаётганимизни кўрсатади. Бундай баҳсларда мотивация алоҳида кучга айланади.”

ПСЖ мураббийи ўз қанот ҳимоячиларига ҳам алоҳида тўхталди: “Ашраф Хакими – мен бошқарган энг зўр қанот ҳимоячиларидан бири. Нуну Мендеш эса чап қанотда жаҳон даражасидаги ўйин намоён этмоқда.”

Энди барча нигоҳлар 9 июль куни бўлиб ўтадиган ушбу йирик тўқнашувда – ПСЖ ва “Реал” ўйинида. Бу баҳс ғолиби финалга йўл олади.

Сиз нима деб ўйлайсиз: Энрике шогирдлари “Реал”ни мағлуб этишга тайёрми? «Замин»ни Telegram’да ўқинг!