Клублар ўртасидаги жаҳон чемпионати финалида “Челси” жамоаси Парижнинг ПСЖ клубини 3:0 ҳисобида мағлуб этди. Ушбу ўйиннинг энг ёрқин юлдузи эса Коул Палмер бўлди. Ёш англиялик ярим ҳимоячи финалда 2 та гол ва 1 та ассист билан ғалабанинг бош меъморларидан бирига айланди.
Ўйиндан сўнг Палмер ўз эҳтирос ва таассуротлари билан ўртоқлашди:
— “Жуда ажойиб ҳис-туйғу! Бу ғалаба янада ширин, чунки ўйин олдидан кўпчилик бизга ишонмаганди. Биз эса жонкуярлик билан ҳаракат қилдик ва ўз сўзимизни айтдик. Финалда қатнашиш ва унда ғалаба қозониш — мен учун орзу эди.”
У, шунингдек, “Челси”нинг бош мураббийи Энцо Марескани алоҳида таърифлади:
— “У ажойиб режа тузди, рақиб майдонидаги бўшлиқларни қаердан излаш кераклигини аниқ кўрсатди. Мен эса унинг ишончини оқлашга ҳаракат қилдим. Бу жамоа ҳали ёш, аммо Мареска бошчилигида биз олға қараб бормоқдамиз.”
Палмернинг таъкидлашича, “Челси” ҳақида бутун мавсум давомида салбий гаплар ва миш-мишлар кўп бўлган, аммо бу жамоа сўз билан эмас, амалда жавоб қайтаришни маъқул кўради.
Сиз нима деб ўйлайсиз: Коул Палмер Европа футболидаги янги супер юлдузга айланиш арафасида эмасми? «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
