Каталониянинг машҳур клуби “Барселона” янги трансферини расман эълон қилди. Жамоа матбуот хизматининг маълум қилишича, Швеция терма жамоаси вингери Руни Барджи Даниянинг “Копенгаген” клубидан каталонияликлар сафига қўшилди.
19 ёшли футболчи билан тузилган меҳнат шартномаси 2029 йилнинг 30 июнигача мўлжалланган. Эътиборли жиҳати — “Блауграна” ушбу трансфер учун тахминан 2 миллион евро тўлагани ҳақида аввал хабарлар тарқалган эди.
Ўтган мавсумда Барджи фақат 6 та учрашувда майдонга тушди ва гол ура олмади. Бунинг асосий сабаби — у хочсимон боғламларининг жароҳати туфайли мавсумнинг катта қисмини ўтказиб юборган.
Барджи “Копенгаген” таркибида 84 марта майдонга тушиб, 15 та гол киритган ва бир бор голли узатма амалга оширган.
Каталония клуби ёш ва истиқболли футболчиларни жамоага жалб этишда давом этмоқда. Руни Барджи ҳам келажакда асосий таркибдан муносиб ўрин эгаллаши мумкин. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
