Европа футболи мухлислари учун кутилмаган янгилик: “Манчестер Сити”нинг энг асосий ва тажрибали дарвозабони Эдерсон фаолиятини Туркия Суперлигасида давом эттиришга тайёрлигини маълум қилди.
Маълумотларга қараганда, 31 ёшли Бразилиялик голкиперга Туркиянинг машҳур клуби “Галатасарой” жиддий қизиқиш билдирмоқда. Истанбул клуби бош мураббийи Окан Бурук шахсан ўзи Эдерсон билан телефон орқали мулоқот олиб бориб, уни жамоага таклиф этгани ва келишга кўндиргани айтилмоқда.
Бу вақтда “Манчестер Сити” раҳбарияти ўзининг асосий посбонини осонликча жамоадан чиқариб юборишга шошилмаяпти. Англия собиқ чемпионини ижара шаклида келиш варианти умуман қониқтирмаган. Клуб шунингдек, шартномаси келаси ёзда якунланадиган Эдерсон учун камида 10 миллион еврога тенг бўлган таклифларни кўриб чиқишга рози эканини билдирган.
Эдерсон ўз фаолиятини 2017 йилдан буён “Манчестер Сити” сафида ўтказиб келмоқда. Бу давр мобайнида у барча мусобақаларда 372 та ўйинда майдонга тушган ва уларнинг 168 тасида ўз дарвозасини дахлсиз сақлаб қолган.
Таъкидлаш жоизки, Эдерсоннинг Туркия Суперлигасига йўл олиши нафақат турк футболи, балки бутун Европа мухлислари эътиборини тортмасдан қолмайди. Чунки “Галатасарой”нинг янги мавсумдаги мақсадлари ва юқори амбициялари айнан шундай юқори даражадаги ўйинчилар билан боғлиқ бўлади.
Мухлислар орасида Эдерсоннинг Туркияда қандай ўйин кўрсатиши ва “Галатасарой” дарвозасини қандай ҳимоя қилиши катта қизиқиш билан кутилмоқда. Европа тажрибасига эга бўлган ва кўплаб титулларга эришган голкипернинг янги саҳифаси бошланиши арафасида турк футболи янги ривож босқичига кўтарилиши мумкин.
«Замин»ни Telegram’да ўқинг!
