Тошкентнинг нуфузли клуби "Бунёдкор" жамоаси ўз сафини черногориялик ҳужумчи Матия Кривокапич билан тўлдирди. Бу ҳақда клубнинг матбуот хизмати расман маълумот тарқатди.
Айтиш жоизки, трансфер шартлари ва молиявий деталлар ҳақида ҳозирча ҳеч қандай маълумот эълон қилинмади. Клуб мухлислари бу борада яқин вақтда янгиликлар кутмоқда.
22 ёшли форвард сўнгги бор Венгриянинг “Дьор” жамоасида тўп сурган. Унинг профессионал фаолиятида ҳозиргача жами 83 та учрашувда майдонга тушгани қайд этилган. Матия Кривокапич ушбу вақт мобайнида 22 та гол урган ва 5 та голли пас беришга муваффақ бўлган.
Таниқли Transfermarkt портали футболчининг бозор қийматини 150 минг евро деб баҳолаган.
"Бунёдкор" жамоаси янги ҳужумчи орқали ҳужум чизиғини янада кучайтириши кутилмоқда. Мухлислар эса, Кривокапичдан тез орада юқори натижалар кутишмоқда.
«Замин»ни Telegram’да ўқинг!
