Англия чемпионатининг 15-туридан ўрин олган “Лестер” – “Манчестер Сити” учрашуви ўз ниҳоясига етди.
Унда 4:2 ҳисоби қайд этилиб, “тулкилар“нинг ғалабаси билан якунланди.
“Лестер“ биринчи бўлимнинг дастлабки 20 дақиқасидаёқ “Сити”ни “нокаут“ ҳолатига жўнатди.
Даставвал, 3-дақиқада Жейми Варди ҳисобни очди. Орадан 2 дақиқа ўтар-ўтмас Кинг жарима майдончаси ташқарисидан ажойиб зарба йўллаб, Бравони иккинчи бор ранжитди.
15-дақиқа ўтиб, Жейми Варди чилилик дарвоза билан яккама-якка вазиятда, уни чиройли алдаб ўтиб, тўпни бўш қолган дарвоза тўрига қийинчиликсиз жойлаб қўйди – 3:0. Танаффусга қадар айнан шу ҳисоб сақланиб қолди.
Танаффусдан сўнг 78-дақиқага келиб яна англиялик ҳужумчи Варди ўзининг учинчи голини киритиб, хет-трик қайд этди. Бунга орадан тўрт дақиқа ўтиб Коларов жавоб қайтарди – 4:1.
Заҳирадан майдонга тушган Нолито эса Гвардиола жамоасини йирик ҳисобдаги мағлубиятдан қутқариб қолди.
Шу тариқа, “Лестер” ўз майдонида “Манчестер Сити”ни ишончли тарзда таслим этди.
Англия чемпионати
15-тур
Лестер – Манчестер Сити 4:2 (3:0, 1:2)
Голлар: 1:0 – 3 Варди, 2:0 – 5 Кинг, 3:0 – 20 Варди, 4:0 – 78 Варди, 4:1 – 82 Коларов, 4:2 – 90 Нолито.
Лестер – Цилер, Морган, Фукс, Симпсон, Хут, Кинг, Амарти, Олбрайтон, Марез, Варди (Грэй, 88), Слимани (Окадзаки, 78).
Манчестер Сити – Браво, Стоунз, Санья, Сабалета, Коларов, де Брюйне, Фернандо, Гюндоган (Нолито, 68), Навас (Стерлинг, 58), Сильва, Ихеаначо (Туре, 58).
Огоҳлантиришлар: Симпсон (19), Марез (57), Фернандо (67). “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Россия дунёдаги биринчи водород ёқилғили автомобилни тақдим этди
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Эрон президенти жиддий баёнот берди: «Исроилдан ҳеч нарса қолмайди»
Қайси кундалик одатлар иммунитет пасайишига олиб келишини биласизми?