Мадриднинг «Реал» клуби ва Португалия терма жамоаси ҳужумчиси Криштиану Роналду 2016 йилги «Олтин тўп» совринини қўлга киритгач, ўз муваффақиятини кейинги йилда ҳам такрорлаш ниятида экани ҳақида гапириб ўтди. Унинг сўзлари France Football журналида келтирилган.
Роналдуга «Олтин тўп» душанба оқшомида топширилди. Бу мукофот учун жами 30 футболчи даъвогарлик қилганди. Роналду учун бу тўртинчи «Олтин тўп» ҳисобланади. Бунгача у 2008, 2013 ва 2014 йилларда йилнинг энг яхши футболчиси сифатида тақдирланган.
«Тўртинчи «Олтин тўп» совринини қўлга киритиш мен учун катта шараф. Орзуим яна амалга ошди. Мен ҳеч қачон 4 марта бу совринни ютаман деб ўйламагандим. Мен бунинг учун жамоадошларимга миннатдорчилик билдираман. Мен жуда бахтиёрман».
«Бу муваффақиятимни кейинги йилда ҳам такрорлаш учун бор имкониятларимни ишга соламан. Бу жуда қийин бўлади.
2016 йил менинг фаолиятимдаги энг яхши йил бўлди. Португалия терма жамоаси билан чемпион бўлиш - буни ифодалашга сўз ожиз. Мен «Реал» билан Чемпионлар лигасида ва терма жамоа билан Европа чемпионатида ғолиб бўлганимни асло ёдимдан чиқармайман», деган футболчи.
Эндиликда португалиялик футболчи «Олтин тўп» совринлари сони бўйича «Барселона»нинг аргентиналик ҳужумчиси Лионель Мессидан битта фарқ билан ортда қолмоқда. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
БААда исроиллик раввин ўлдириб кетилди
Медведев: Махсус ҳарбий операция учун қуролларнинг аксарияти Россияда ишлаб чиқарилади
Филиппинда амалдор президент ва рафиқасини ўлдириш учун қотил ёллади
Киев ва Москва ўртасидаги тинчлик музокаралари: у қандай кўринишда бўлиши мумкин?
АҚШда 10 ёшли бола полицияга қўнғироқ қилиб, математикадан уй вазифасини бажаришда ёрдам сўради
Хонанда Муниса Ризаева илк марта она бўлди
Мигрень, кластер цефалгия, зўриқиш... Бош оғриғининг неча тури мавжуд?
Сайхунободда қарздор отадан салкам 75 млн сўм алимент пуллари ундирилди
