Бразилия чемпионатининг 20-турида ҳақиқатдан ҳам ёдда қоларли воқеа содир бўлди. Неймарнинг “Сантос” жамоаси ўз майдонида машҳур “Васко да Гама”га қарши ўйин олиб борди. Унда жамоа 0:6 ҳисобида мағлубиятга учради. Неймар ва унинг жамоасига бу катта йўқотиш жуда қаттиқ таъсир қилди.
33 ёшли юлдуз ўйиндан кейин, майдонни тарк қилиш арафасида кўзларидаги ёшни яшира олмади. Жамоадошларининг юпатиши ҳам фойда бермади. Неймар кўзларида ёш билан майдонни охирги бўлиб тарк этди.
Мухлислар учун бу воқеа ҳам шундай оғир кечди. “Сантос” клубининг мухлислари трибунада ўз норозиликларини кўрсатишди. Улар майдонга тескари ҳолда туриб, жамоа ва айниқса Неймарга нисбатан ўз норозиликларини билдиришди. Трибуналарда кўпинча Неймарнинг номи ва рақами билан футболкаларини кийган мухлислар эди.
Учрашув натижаси “Сантос”нинг мавсумдаги турнир жадвалидаги ўрнига жуда салбий таъсир кўрсатди. 20-турдан сўнг, жамоа 21 очко билан 15-поғонага тушиб кетди ва хавфли ҳудуддан атиги икки очко ажратилди. Бу ҳолат жамоа ва мухлислар учун янада кўпроқ ташвишлар туғдиришга олиб келиши мумкин.
«Замин»ни Telegram’да ўқинг!
