Ўзбекистоннинг ёш ҳужумкор футболчиси Аббосбек Файзуллаевнинг Туркиянинг «Истанбул Башакшеҳир» клубига ўтиш масаласи ниҳоят ўз ҳалини топди. Уч ҳафта олдин, у ЦСКАни тарк қилиб, янги фаолиятини Туркияда бошлагани ҳақида хабар берилганди.
Шунга қарамасдан, футболчининг расмий ўйинларда иштирок этишига турли сабаблар туфайли тўсқинликлар бўлган. Бироқ, «Истанбул Башакшеҳир» клуби ва Россиянинг ЦСКА клуби ўртасидаги келишув муваффақиятли амалга ошди. Шунингдек, Туркия клуби, Аббосбек учун 7,5 миллион евро бадал пули тўлагани ҳақида маълумотлар тарқатилди.
Файзуллаевнинг ўтиш жараёнида энг асосий масала трансфер сертификати билан боғлиқ муаммолар эди. Қолаверса, Россияга нисбатан қўйилган санкциялар, молиявий транзакциялар жараёнига таъсир қилгани учун, трансфер ўз вақтида амалга ошмаган эди. Аммо, ЦСКА клуби ва «Истанбул Башакшеҳир» ўртасидаги янгиланган муносабатлар бу муаммоларни бартараф этди.
ЦСКА клуби ва клубнинг коммуникациялар бўйича директори Кирилл Брейдо, трансфернинг тўлиқ амалга ошганини, ва Аббосбек учун бутун шартноманинг расман бекор қилинганини эълон қилди. Кирилл Брейдо, шунингдек, «Истанбул Башакшеҳир»га қўшилган Аббосбек Файзуллаевнинг машғулотлари ва янги жамоаси билан ҳамкорлик қилишга кўмаклашгани учун Герман Ткаченкога миннатдорлик билдирди.
Аббосбек Файзуллаев трансфери учун мўлжалланган пуллар худди шартномада кўрсатилган миқдорда клубимиз ҳисобига келиб тушди. Биз томонимиздан эса, ўйинчининг трансфер сертификати зудлик билан жўнатилди. Ана энди бу савдони тўлиқ амалга ошди, десак бўлади.
Бу трансфер кутилмаган вазиятлар юзага келиши, клубларнинг бир бирига ёрдам беришга интилишини инобатга олган ҳолда ўзгача савдо бўлди, дейиш мумкин.
“Истанбул Башакшеҳир”, шунингдек, Файзуллаевнинг қулай шартлар асосида ЦСКАга келиши, ҳозир эса, Туркия клубига ўтишида вужудга келган масалани ҳал қилишга максимал даражада ҳаракат қилган ва профессионаллигини намойиш қилган Герман Ткаченкога миннатдорлик билдирамиз.
Бу трансфер ҳар бир томон учун манфаатли , деб баҳоланиши керак. Аббосга эса, муваффақиятлар тилаймиз!, - деди Кирилл Брейдо.
Бундан ташқари, Туркия клуби янги мавсумда ўтказган учрашувларида Суперлига ва УЕФА Конференция Лигасида тўртта ўйинни ўтказган. Элдор Шомуродов шу ўйинларнинг барчасида қатнашган бўлса, Аббосбек Файзуллаев қайдномада бўлмаган. Энди эса, унинг «Истанбул Башакшеҳир» сафидаги дебюти яқинда бўлади. Файзуллаев 21 август куни Ўзбекистоннинг яна бир юлдузи Элдор Шомуродов билан бирга Конференция Лигасининг плей-офф босқичида Руминиянинг «Университатя Крайова» клубига қарши биринчи учрашувни ўтказишини интизорлик билан кутмоқдамиз.
Бу трансфер икки томон учун ҳам манфаатли бўлиб, Аббосбек Файзуллаевга янги имкониятлар эшиги очилмоқда.
«Замин»ни Telegram’да ўқинг!
