"Ньюкасл Юнайтед" ҳужумчиси Александер Исак ижтимоий тармоқлар орқали барча мухлислар ва футболчиларга мурожаат қилиб, жамоани тарк этаётганини очиқ қилди. Унинг баёноти жамоа ва мухлислар учун катта янгилик бўлиб, шу пайтгача яшириб келинган ҳақиқатларни ҳам очиқлаб берди.
Исак сўзларига кўра, у 2024/25 йилги мавсумда ПФА Премьер-лигаси рамзий терма жамоасига киргани учун ҳамкасабалари томонидан эътироф этилганидан катта фахр ҳис қилмоқда. "Энг аввало, жамоадошларимга ва шу пайтгача мени қўллаб-қувватлаб келган 'Ньюкасл Юнайтед'даги барча инсонларга миннатдорчилик билдираман", – деди швециялик форвард.
Унинг баёнотида айниқса иштирок эта олмаган маросим сабаби ҳам очиқланди: "Бугунги маросимда қатнашмаяпман. Ҳозирги вазиятни ҳисобга олган ҳолда, у ерда бўлиш тўғри бўлмасди, деб ўйладим". Исак ўз нутқида жимлик сақлаган вақтларида ҳам воқеаларнинг одамларга нотўғри талқин қилинганини тан олади.
"Бошқалар гапирган пайтда мен узоқ вақт жим турдим. Бу сукунат одамларга воқеаларни ўз талқинида ёритишга имкон берди, гарчи улар бу ёпиқ эшиклар ортида айтилган ва келишилган ҳақиқий гапларни акс эттирмаслигини билишса-да", – дейди футболчи.
Исак, шунингдек, клуб билан узоқ вақтдан бери ўзаро келишув ва ваъдалар мавжуд бўлганини таъкидлади: "Аслида, ваъдалар берилган эди ва клуб менинг нуқтаи назаримдан узоқ вақтдан бери хабардор эди. Ҳозир гўё бу муаммолар эндигина пайдо бўлаётгандек тутиш чалғитишдан бошқа нарса эмас".
Форвард муносабатлар ва ишонч йўқолганида, улар давом этиши мумкин эмаслигини ҳам очиқ айтди: "Ваъдалар бузилганда ва ишонч йўқолганда, муносабатлар давом этиши мумкин эмас. Ҳозир мен учун вазият айнан шундай – ва нима учун ўзгариш нафақат мен учун, балки ҳамма учун ҳам манфаатли эканлигининг сабаби ҳам шу".
Исакнинг ушбу эълони "Ньюкасл Юнайтед" мухлислари орасида катта шов-шув уюштирди. Унинг фикрлари жамоа ҳаёти, футболчилар билан муносабатлар ва келгуси трансферлар ҳақидаги қизиқишларни янада оширди. Мухлислар учун бу хабар нафақат Исакнинг шахсий қарорини, балки клубнинг янги мавсумдаги ҳаракатлари ва стратегик йўналишларини ҳам тушуниш имконини берди.
«Замин»ни Telegram’да ўқинг!
