ЛаЛиганинг 2-туридан ўрин олган «Атлетико» – «Эльче» (1:1) учрашувидан кейин мадридликлар бош мураббийи Диего Симеоне матбуот анжуманида ўз фикрларини билдирди. Унинг таъкидлашича, жамоа ғалабага бўлган иштиёқ билан ҳаракат қилган, аммо имкониятдан тўлиқ фойдалана олмаган.
«Мухлисларнинг хафалиги табиий»
— Мухлисларимизнинг ранжиши табиий ҳол. Биз ҳам худди шундай ҳисдамиз. Чунки бугунги баҳсда ғалаба қозониш учун қўлимиздан келган барча ишни қилдик, аммо натижа биз истагандек чиқмади. Футболчиларимизнинг бор имкониятларини ишга солишга ҳаракат қилдик, — деди Симеоне.
«Хотиржамлик ва меҳнат натижа беради»
— Бу ҳолатдан чиқиш учун биринчи навбатда хотиржамлик, сабр ва қаттиқ меҳнат талаб этилади. Шундагина натижалар ўз вақтида келади. Биз ўз принципларимиздан чекинмаймиз ва уларга содиқ қоламиз. Аслида, ўтган иккала учрашувда ҳам очко йўқотишга арзимаганмиз, — дея қўшимча қилди мураббий.
Маълумот учун, «Атлетико» мавсумнинг илк турида «Эспаньол»га 1:2 ҳисобида мағлубиятга учраганди. Эндиликда жамоа икки баҳсда ҳам кутилган натижани қўлга кирита олмади.
Муттахассислар фикрича, «Атлетико» яқин турларда ўз ўйинини топиши ва ғалабалар сериясини бошлаши мумкин. Симеоне эса ўз сўзларида мухлисларнинг ишончи ва қўллаб-қувватлови жамоа учун асосий омил эканини таъкидлади.
«Замин»ни Telegram’да ўқинг!
