Европа Лигаси қуръа ташлаш маросими илк бор тўлиқ автоматлаштирилган рақамли технология орқали ўтказилди. Умумий босқичда жами 36 та жамоа иштирок этади.
Турнирнинг асосий босқичи 2025 йил сентябрь ойида старт олиб, 2026 йил май ойига қадар давом этади. Энг муҳим палла – финал учрашуви 2026 йил 20 май куни Истанбулдаги “Бешиктош” стадионида бўлиб ўтиши режалаштирилган.
Европа Лигаси ғолиби нафақат кубок соҳиби бўлади, балки автоматик равишда УЕФА Чемпионлар Лигасининг 2026/27 йилги умумий босқичига йўлланма ҳам қўлга киритади. Шунингдек, чемпион кейинчалик Чемпионлар Лигаси ғолиби билан Европа Суперкубоги учун беллашиш ҳуқуқига эга бўлади.
Тақвимга кўра, Европа Лигаси асосий босқичининг 1-тур баҳслари 24–25 сентябрь кунлари бўлиб ўтади. Якуний – 8-тур эса 2026 йил 29 январь куни ўтказилиши белгиланган.
Мутахассислар таъкидлашича, рақамли қуръа тизими шаффофлик ва холисликни таъминлаб, турнирнинг нуфузини янада ошириши кутилмоқда.
«Замин»ни Telegram’да ўқинг!
