15 ноябрь куни АҚШнинг энг йирик шаҳарларидан бири — Нью-Йоркда UFCнинг йирик турнирларидан бири «UFC 322» бўлиб ўтиши белгиланган. Бу шоу жаҳон ММА мухлислари учун йилнинг энг кутилган кечаларидан бирига айланиши шубҳасиз.
Турнирнинг асосий жангидан катта қизиқиш кутилмоқда. Оқшом марказида россиялик маҳоратли жангчи Ислом Махачев ярим ўрта вазн тоифасидаги чемпион Жек Делла Маддаленага қарши октагонга чиқади. Ушбу беллашув нафақат UFC рейтинги, балки мухлислар орасидаги қизиқиш нуқтаи назаридан ҳам алоҳида аҳамиятга эга.
Кечанинг «Co-main event» жангини эса аёллар ММАсидаги йирик тўқнашув безайди. Қирғизистоннинг машҳур жангчиси Валентина Шевченко ўта енгил вазндаги чемпионлик камарини хитойлик рақиби Велий Жчангга қарши ҳимоя қилади. Эътиборлиси, Жчанг ўз камарини вакант қолдирган ҳолда ушбу имкониятни қўлга киритмоқда.
Шу тариқа, «UFC 322» кечаси икки йирик чемпионлик жанглари билан тарихий кун сифатида ёдда қолиши кутилмоқда. ММА оламининг миллионлаб мухлислари эса ушбу октагондаги қарама-қаршиликларни катта қизиқиш ва эҳтирос билан кутмоқда.
«Замин»ни Telegram’да ўқинг!
