«Челси» бош мураббийи Энцо Мареска жамоада жароҳатларнинг ортаётгани сабабини тушунтириб, бу ҳолатни энг аввало ўйинлар сонининг кўплиги билан боғлади. Унинг айтишича, тасодиф йўқ — зич тақвим танани синовдан ўтказади ва спортчи организмига қўшимча юк туширади.
Мареска фикрини шундай очиқлади: «Жароҳатларнинг кўпайиб кетгани бежизга эмас. Ўтган мавсумда Ливай Колуилл, Коул Палмер ва Мойсес Кайседо барчадан кўра кўпроқ ўйнади. Ливай ҳам жароҳат олди, Коул ҳам, Мойсес эса “Вест Хэм”га (5:1) қарши ўйиндан кейин илк марта шуғулланди. Мавсум шундай бошланди. Бу шунчаки тасодиф эмас, гап ўйинлар сонида».
У рақобатдаги яна бир мисолни келтирди: «“Манчестер Сити”нинг ўтган мавсумдаги ўйинлар сонига қаранг. Улар икки ёки учинчи ўйиндан кейин Родридан айрилди. Ундан олдинги мавсумда Родри барчадан кўпроқ ўйнаганди». Мураббийга кўра, шундай зич юкламада ҳатто энг барқарор футболчи ҳам тикланиш циклининг қисқариши сабаб омадсиз ҳолатга дуч келиши мумкин.
Мaреска жамоа олдидаги вазифани аниқ қўйди: «Менимча, бизда ҳам шундай муаммолар бўлса керак. Биз энди вазиятга мослашишимиз ва футболчиларни тезроқ тиклашга улгуришимиз керак». У бу йўлда ротация, индивидуал юклама бошқаруви, тиббий-илмий штаб билан яқин ишлаш, қайта тикланиш протоколларини кескин кучайтириш муҳимлигини таъкидлади.
Қисқаси, «Челси»да зич календарь шароитидаги реаллик қабул қилинди: Марескача ёндашув — ҳар бир ўйинчи соғлигини ҳимоя қилган ҳолда тез мослашиш, тикланишни тезлаштириш ва натижани сақлаб қолиш.
«Замин»ни Telegram’да ўқинг!
